ЗЕМЈОТРЕС 7

January 8, 2019, 3:36 am

≫ Next: РОДЕНДЕН 2019

≪ Previous: RIB –промоција на нов албум

$

0

0

„Ми треба соба, да прими пет илјади луѓе со дигнати чаши во здравица“ Милан Младеновиќ “Буди сам на улици”/“Биди сам на улица” Земјотрес во Скопје удира токму во миговите кога луѓето ќе го изумат чувството за заедништво. Кога ќе снема минимален заеднички интерес, кога моралот не е во мода веќе. Фестивалот Земјотрес е ритуал за јакнење на заедништвото на квалитетната македонска музичка сцена, со желба да покажеме релевантна содржина во време на инстант потрошувачка и вредности вон континуитет. Генерациите, музичките стилови, па и идеалите се менуваат, но алтернативната културна понуда е есенцијална за поттикнување на духот на новите, сѐ побројни сограѓани со пософистицирани естетски потреби. Земјотрес е директна комуникација помеѓу генерациите, музичките стилови и навидум различните интереси на нашите музичари. Широка платформа за презентација на едно постоење, но и постојана промена. Некомерцијален манифест во интерес на духовната и економска оправданост на нашето музичко шаренило. Потпомогнати од постарите, Земјотрес полека но сигурно отвара сè повеќе простор за новите генерации и свежи имиња. Вашето присуство е директна инвестиција во солидна иднина. Придружете ни се, заедно сме сцена. А, да...и сила. Настапуваат: • 3Grama & Silent G • Anna O. • Matej Foltz • Funk Shui • Goran Kan • Herzel • Irie Scratch x Gloomié • Ki Oficijalna Stranica • Mirko Popov • Monoglitch • Pikolomini • Pluto's Doubts • Reduced To Ashes • SAM x Druggy • Stagnator • ЅРЕТИ • The Local Blue • Bodan Jamakoski • Димитра • Исток Улчар • Kulturno Umetnicki Rabotnici • Пепел • Фосфен // Fosfen Земјотрес 7 • Свежа домашна музика +++++++++++++++++++++++ сабота, 2 февруари 2019, почеток: 19:00, крај: 05:00 Локација: Младински Културен Центар Претпродажбата на влезници (во ограничен број) започнува на 14 јануари и истите можат да се набават на билетарницата на МКЦ по цена од 150 ден. за првите 500 посетители / 200 ден. потоа. • fb.com/zemjotresfest • twitter.com/zemjotresfest • #zemjotresfest

---

РОДЕНДЕН 2019

January 9, 2019, 5:51 am

≫ Next: ХУМАНИТАРЕН КОНЦЕРТ ЗА ИВАНА АТАНАСОВСКА

≪ Previous: ЗЕМЈОТРЕС 7

$

0

0

Драги наши, Оваа година, по 7-ми пат ќе го прославиме РОДЕНДЕН, со гооолем настан во МКЦ. Изложби, промоција на книга, поетски перформанс, концерти, филмска ревија и многу награди. Почнуваме од 18ч. и славиме до 3ч. по полноќ! Влезот е слободен! 18:00 Изложба на спектакуларни фигури од пластелин, изработени од 9-годишниот гениј Максим Цветановски и работилница за деца со нашиот child whisperer Доротеј Нешовски од 18ч. во Детскиот креативен центар при МКЦ. 18:00 Бесплатен филмски маратон Љубовна филмска ревија во Џебно кино на која ќе можете да се потсетите на некои ремек-дела на кинематографијата со емотикон срце. (наскоро повеќе инфо) 20:00 Отворање на изложбата од   Музејот на раскинати врски , кој по 11 години повторно доаѓа пред македонската публика. Ќе можете да ѕирнете во интимата на луѓе од разни краеви на светот, кои одлучиле да се збогуваат со својата поранешна љубов, ослободувајќи се и од некој предмет што силно ги потсетува на неа. 20:30 Промоција на книгата „Радио“ на Љупчо Јолевски, еден од бардовите на македонското новинарство ќе се случи во Кино Фросина. Ова импозантно дело, кое брои повеќе од 700 страници, ги интегрира во најголем дел интервјуата што авторот ги остварил со врвни имиња од македонската културна сцена во последните 5 години направени за Радио Слободна Европа. 21:30 // Сала 25 Мај Концерти на нашите Matej Foltz, Pluto's Doubts, JUNE (ЏУН) како и одличните Igralom од Србија 22:00 // Горно фоаје Поетски перформанс со млади и не толку млади поети и поетеси „Песнило“ 23:00 // Бифе Музика за раскинување, или слатко горчлива сонична романса со опасниот диџеј пар - Violeta Kachakova & Mirko Popov

ХУМАНИТАРЕН КОНЦЕРТ ЗА ИВАНА АТАНАСОВСКА

January 10, 2019, 5:21 am

≫ Next: МУЗЕЈ НА РАСКИНАТИ ВРСКИ

≪ Previous: РОДЕНДЕН 2019

$

0

0

На 18-годишната Ивана Атанасовска ѝ е потребна помош. За 6 години го изгубила видот. Настапуваат: - DJ Чарли - Монистра - Синтезис - Летечки пекинезери - Фолтин - DJ Чваре Да бидеме хумани и да помогнеме: ИВАНА АТАНАСОВСКА СМЕТКА ЗА ДОНАЦИИ: 210-7000006219-06 - ТУТУНСКА БАНКА 143434 T-mobile 143488 VIP

МУЗЕЈ НА РАСКИНАТИ ВРСКИ

January 10, 2019, 5:41 am

≫ Next: „Радио“ на Љупчо Јолевски

≪ Previous: ХУМАНИТАРЕН КОНЦЕРТ ЗА ИВАНА АТАНАСОВСКА

$

0

0

Во рамките на одбележувањето на Денот на уметноста, кој МКЦ години наназад традиционално го прославува со голем хепенинг насловен како Роденден, по цели 11 години, повторно во Скопје ни доаѓа Музејот на раскинати врски. Музејот на раскинати врски го создале Олинка Виштица и Дражен Грубишиќ од Хрватска, кои откако ја прекинале нивната љубовна врска решиле да ги изложат оние предмети што ги потсетуваат на нивното заедничко минато. Музејот на раскинати врски изобилува со меморабилии од прекинати релации, кои се од најразличен карактер. Од писма, плишани мечиња, суви цвеќиња, облека, до велосипед, кој бил подарок од поранешниот партнер, пенкало со кое се напишани најромантичните писма, до малечка секира со која се демолирал мебелот на поранешниот љубовник. Музејот на раскинати врски на еден креативен начин обединува приказни за кои можеби првиот впечаток би бил дека се тажни, но некои од објаснувањата покрај самите објекти слатко ќе ве насмеат. Овој уникатен уметнички концепт, првично има за цел да ја ослободи енергијата, која ја носат разните предмети поврзани со некаков прекин, крај, но и истите тие предмети да ги конзервира во едно заедничко место, таканаречен мавзолеј на скршените срца. Колекцијата на музејот веќе ја имаат видено илјадници луѓе низ светот, а благодарение на тоа, музејот доби свои простори со редовни поставки во Загреб и во Лос Анџелес. Порталот http://www.travelnerd.com го вброи меѓу 10-те светски најчудни музеи, а во 2011 музејот ја доби и наградата Kenneth Hudson за најиновативен музеј во Европа. ____________________________________________________________________________________________________ Драги пријатели, Ве покануваме да донирате свои спомени во Музејот на раскинати врски и на еден креативен начин да се ослободите од оние предмети, кои кога ќе ги погледнете, ви ги враќаат пеперутките во стомакот, или ви предизвикуваат печење во пределот на срцето. Вашите предмети ќе може да ги донирате анонимно, со придружен кус текст до 14 јануари 2019 година. Пишете ни на info@mkc.mk за повеќе детали.

„Радио“ на Љупчо Јолевски

January 11, 2019, 4:39 am

≫ Next: Изложба на Максим Цветановски и детска работилница за пластелин

≪ Previous: МУЗЕЈ НА РАСКИНАТИ ВРСКИ

$

0

0

Промоција на книгата „Радио“ на новинарот Љупчо Јолевски „Радио“ ја чинат повеќе од 730 страници и речиси толку фотографии илустрации. Книгата претставува субјективен избор на авторот од прилозите, односно текстовите пишувани и објавени за Радио Слободна Европа, програма на македонски јазик. Поделена на неколку целини – музика, литература, ликовна уметност, филм, театар, уметничка фотографија... преку информациите, најавите, разговорите, интервјуата, рецензиите, освртите... се обидува да понуди негово видување на македонската култура во изминатава половина декада. Од таму на страниците се забележани мислите и ставовите на уметници и творци како Весна Ѓиновска Илкова, Благој Нацовски, Милена Арсовска, Никола Коџабашија, Александар Пејовски, Дарија Андовска... Оливер Белопета, Влатко Стефановски, ЉУБОЈНА, БЕРНАЈС ПРОПАГАНДА, Сеад Хаџиќ Сецко, Зоран Маџиров, Драган Даутовски, СЕТСТАТ... Никола Маџиров, Оливера Ќорвезировска, Игор Ангелков, Фросина Пармаковска, Јовица Ивановски, Јосип Коцев, Владимир Мартиновски... Игор Киров, Нела Витошевиќ, Огнен Дранговски, Игор Трпчевски, Иван Поповски... Сергеј Андреевски, Ване Костуранов, Роберт Дандаров, Синиша Кашавелски, Касиопеја Наумовска, Шќипе Мехмети, Тања Балаќ... Драги Неделчевски, Иван Блажев, Сашо Димоски, Мимоза Велиу... Мирко Илиќ, Зоран Предин, Оскар Салас, Феми Кути... и така со ред. Инаку, на промоцијата на „Радио“, која ќе се одржи во четврток на 17 јануари, во 20:30 часот, во кино „Фросина“, во рамките на манифестацијата „Роденден на уметноста“ на Младински културен центар – Скопје, покрај рецензентите Елизабета Баковска, Марко Коловски и Ана Франговска, соработниците Билјана Билбиловска (ликовно графичко решение) и Сашо Димоски (фотографија на насловната страница), публиката ќе има можност да ги проследи изведбите на актерот Игор Трпчевски, пијанистката Дуња Иванова, гитаристот Ибрахим Мехмети и перкусионистот Ратко Даутовски, Васко Атанасоски (БЕРНАЈС ПРОПАГАНДА) и џез-панк-фанк-авангарда дружината СЕТСТАТ со диџејот, автор на текстови и пејач Мирко Попов. Љупчо Јолевски – биографија Како новинар, водител и уредник Јолевски во новинарството е скоро четири  децении. Кариерата ја почнал во Млад Борец на почетокот од 1980-тите. Бил соработник на белградските магазини Рок и Време, а потем долги години бил во Радио Телевизија Скопје и во Македонското радио - Втора програма. Паралелно четири години бил уредник на Музичкото радио Канал 103, а соработувал и со изданијата на Детска радост, ревијата Екран и весникот Нова Македонија. Од крајот на 1990-те извесно време бил новинар во Телевизија Скопје и во магазинот Старт, потем уредник во дневните весници Дневник, Време и Нова Македонија, соработник на интернет порталот Блесок, на Југословенската и Екс. Југословенската рок енциклопедија, на Светската и на Европската музичка енциклопедија и безмалку цела една декада автор и водител на музичката емисија Скопје - Париз - Тексас на Радио Равел. Во Радио Слободна Европа Јолевски е од самиот почеток на емитувањето на програмата на македонски јазик.

Изложба на Максим Цветановски и детска работилница за пластелин

January 14, 2019, 3:02 am

≫ Next: ПЕСНИЛО 2019: ЛИТЕРАТУРА НА ВРИЕЊЕ!

≪ Previous: „Радио“ на Љупчо Јолевски

$

0

0

По повод седмиот „Роденден на уметноста" во организација на Младински културен центар, Детскиот креативен центар организира детска работилница за пластелин и изложба на Максим Цветановски, кој изработува скулптури и фигури од неговите омилени ликови и херои. 18:00-20:00 часот Изложба на Максим Цветановски / Детски креативен центар . Максим Цветановски од Скопје има девет години и прави чуда од пластелин. Почнал да си игра со овој магичен материјал кога имал околу пет години и оттогаш не престанал да создава вистински чуда од омилените анимирани ликови и јунаци, ликови од приказни, но и популарни детски ликови. Негова голема желба беше да направи изложба во Детскиот креативен центар. Ќе му се исполни. * https://deca.mk/likovite-od-fortnajt-mu-se-omileni-maksim-pravi-chuda-od-plastelin/ 18:00-19:30 Детска работилница за пластелин Детски креативен центар при МКЦ ве повикуваат на работилница за пластелин и изработка на фигури, предмети и омилените ликови и херои.

ПЕСНИЛО 2019: ЛИТЕРАТУРА НА ВРИЕЊЕ!

January 15, 2019, 2:21 am

≫ Next: Бесплатен филмски маратон

≪ Previous: Изложба на Максим Цветановски и детска работилница за пластелин

$

0

0

Домаќинско одбележување на роденденот на МКЦ: проследете ја големата битка на сушарите - поети vs. прозаисти. Добро извриената литература, директно од своите машини, учесниците ја претставуваат и закачуваат да се суши пред почитуваната публика. Во поетскиот тим настапуваат: Васко Марковски Валентина Бактијаревиќ Зоки Спијач Снежана Стојчевска Ненад Јолдески Со проза ќе им се спротивстават: Ѓоко Здравески Сања Михајловиќ Костадиновска Владимир Лукаш Олгица Станковска Ивана Харикли  Водител: Иван Шопов Штипките се подготвени. Ве очекуваме!

Бесплатен филмски маратон

January 15, 2019, 3:50 am

≫ Next: Роденден 2019 –Музичка прогрма

≪ Previous: ПЕСНИЛО 2019: ЛИТЕРАТУРА НА ВРИЕЊЕ!

$

0

0

Љубовна филмска ревија во Џебно кино на која ќе можете да се потсетите на некои ремек-дела на кинематографијата со емотикон срце: Call Me by Your Name (2017) | 132′ режија: Luca Guadagnino Во 1980-тите, Италија, романтичен изблик меѓу еден 17-годишен студент и постар човек ангажиран како асистент за истражувањата на неговиот татко.         Song to Song (2017) | 129′ режија: Terrence Malick Два напоредни љубовни триаголници. Опседнатост и предавство поставени против музичката сцена во Остин, Тексас.         Lost in Translation (2003) | 102′ режија: Sofia Coppola Една филмска ѕвезда и една запоставена млада жена остваруваат кратка врска откако патиштата ќе им се сретнат во Токио.           Casablanca (1942) | 102′ режија: Michael Curtiz Една од најпознатите филмски љубовни приказни за циничниот сопственик на ноќен клуб во Казабланка, кој ја штити старата љубов и нејзиниот сопруг од нацистите. Хемфри Богард и Ингрид Бергман...

---

Роденден 2019 –Музичка прогрма

January 15, 2019, 4:50 am

≫ Next: СЕМИНАР ЗА КУРАТОРИ ВО ЏЕНОВА

≪ Previous: Бесплатен филмски маратон

$

0

0

21:30 - Сала 25 Мај

1. Matej Foltz е артист од новата школа на рап музиката и доаѓа од Скопје, Ново лисиче. Пишува и снима рап, Chill-Hop и трап. Започнува да се занимава со музика во 2014 година, а на сцената за првпат се појавува во 2015 со песната Следен пат заедно со Шишка од ZeeBomb.Тој сака да го долови и пренесе својот моментален vibe и мислење преку звук во кој преовладува емоцијата.

          2. Igralom e музичка група од Ниш, Србија, формирана од Младен Марјановиќ (гитара, пратечки вокал), Димитрије Симовиќ (вокал, бас гитара) и Марко Томовиќ (тапани и перкусии), во јуни 2015 година. Звукот и грувот на групата од самиот почеток се примарно усмерени кон музиката од Западна Африка. Присутно и огромно влијание на рокенрол и алтернатива, посебно на новиот бран.           3. Pluto's Doubts се бенд од Скопје, Македонија. Во него членуваат луѓе со различни вештини и харизма, сѐ со цел да се создаде нешто навистина возбудливо. Прв значителен feedback предизвика синглот Супер Јупитер којшто зема учество во емисијата Videography на музичкиот канал MTV Adria. Деби албумот „Сизиф“ го издаваат преку Password Production во декември 2017 година, проследен со Sold Out концертна промоција во Кино Фросина - Младински културен центар во Скопје. Сизиф изнуди голем број на позитивни критики од критичарите во Македонија и регионот.           4. Фората со June е ентузијастичкиот дух на петорица млади луѓе длабоко вљубени во музиката. Формирани во октомври 2010, бендот веднаш внесува свежина во македонската музичка сцена со својот модерен звук, кој е комбинација од инди поп, американа и доза на акустичен кантри поп. Свират на повеќе фестивали како Таксират (2010) со Nouvelle Vague, EXIT 2011, ЗДРАВО МЛАДИ 2012, Пин конференција 2012, Sziget Festival 2015, Vienna Waves Festival 2015, Eurosonic Noorderslag 2016 како и бројни самостојни концерти. Досега имаат објавено три албуми “Someday soon” (2012), “Indian Summer” (2014) и “Living For The Weekend” (2017).           23:00 - Кафе МКЦ Музика за раскинување, или слатко горчлива сонична романса со опасниот диџеј пар - Violeta Kachakova & Mirko Popov

СЕМИНАР ЗА КУРАТОРИ ВО ЏЕНОВА

January 19, 2019, 1:35 am

≫ Next: Атеист Рап –Скопско биенале 2020

≪ Previous: Роденден 2019 –Музичка прогрма

$

0

0

Отворен повик за семинар за куратори во Џенова во рамки на проектот CreArt. Семинарот се одржува од 21 до 23 март 2019. Пријавувањето трае до 15 февруари. Повеќе инфо на CREART SEMINAR IN GENOA

Атеист Рап –Скопско биенале 2020

January 21, 2019, 2:03 am

≫ Next: Marduk / Valkyrja во Скопје!

≪ Previous: СЕМИНАР ЗА КУРАТОРИ ВО ЏЕНОВА

$

0

0

Го имаме и датумот за следниот концерт на АТЕИСТ РАП во МКЦ. Скопско биенале 2020 закажано за 20 март. Билети по цена од 300 денари во продажба од 17.1.2019. 2020 е година на културата.

Marduk / Valkyrja во Скопје!

January 21, 2019, 2:03 am

≫ Next: THE UNDERGROUND YOUTH

≪ Previous: Атеист Рап –Скопско биенале 2020

$

0

0

Terrorvoid Promotions со особено црнило ви претставува!!! По 11 години од нивниот легендарен концерт во Кастро, и по два откажани концерти, Marduk конечно во Скопје. Панцер дивизијата од Шведска на нивниот трет дел од VIktoria турнејата доаѓа да ни објасни зошто се страв и трепет на светската блек метал сцена. Без помпи, без драми и играња. Чист блек метал холокауст како што требало да биде. Valkyrja исто така промовираат нов албум и ќе бидат идеалнно загревање пред Marduk. Карти во претпродажба: 800 денари. На врата: 1000 денари. Може да ги набавите на билетарницата на МКЦ, онлајн на bileti.mkc.mk, и на сите продажни места преку мрежата на mktickets.mk Метал будењето продолжува!!! Keep supporting the spirit of the underground!

THE UNDERGROUND YOUTH

January 23, 2019, 3:48 am

≫ Next: 12 години Conquering Lion

≪ Previous: Marduk / Valkyrja во Скопје!

$

0

0

The Underground Youth повторно во Скопје! Dark cinematic psychedelia/post-punk сензација, која ја гледавте на Zdravo Mladi 7 (zdravomladi.com/mk/artist/the-underground-youth-7/) пред Slowdive, оваа година промовираат нов албум - Montage Images Of Lust & Fear. Запишете го датумот 21.5.2019 (вторник) Целовечерен концерт на The Underground Youth во МКЦ *На нивниот постер пишува 22-ри, но датумот е 21 мај! ________________________________________ - Цена на билет во претпродажба - 300 денари на Билетарница МКЦ или online преку bileti.mkc.mk

12 години Conquering Lion

January 24, 2019, 3:24 am

≫ Next: ТОМ ОДЕЛ

≪ Previous: THE UNDERGROUND YOUTH

$

0

0

Добри људи! Со огромна чест ве покануваме на 12-тиот роденден на Conquering Lion, кој ќе го прославиме со концертен настап во Сала 25 Мај на Младинскиот културен центар, на 13 април (сабота)! Conquering Lion е даб/реге/кросовер бенд од Тетово (Македонија), кој своето творештво го започнува во април 2007. Во октомври 2009 бендот го издава својот прв албум едноставно насловен како “I” за PMG Recordings на кој може да се слушнат 10 песни меѓу кои и соработката со јамајканскиот артист Jah Clarity на песната “Jah Love”. Досега, покрај настапите низ Македонија, бендот има настапувано во Германија, Словенија, Хрватска, Босна и Херцеговина, Србија, Бугарија, Грција, Романија, Словачка, Чешка, Холандија, Полска и Косово. Вториот по ред албум насловен како “Know Your Wisdom” излезе на 26 август 2011 по што следеше 30-дневна балканска турнеја. Две години подоцна, на 22 ноември 2013 бендот го издаде третиот студиски албум “Revelation” за издавачката куќа “Password Productions” од Македонија, по кој следеше успешна пролетна Европска турнеја. Како еден од побитните настапи на Conquering Lion може да се издвојат настапите со Manu Chao, Gentleman, Ras Zacharri, Donald Minott, Raphael, Hornsman Coyote... Исто така бендот има настапувано на поголеми фестивали како, Riding Higher во Германија, In Music Festival во Хрватска, Таксират Фестивал во Македонија, Spirit Of Burgas во Бугарија... Conquering Lion го издаваат својот 4-ти по ред студиски албум насловен како “Land Of Confusion”, кој беше издаден на 24 февруари 2017 за издавачката куќа Locksmith Records од New Jersey, USA. “Land Of Confusion” беше номиниран на листата за најдобар реге-албум за 2017 на Греми наградите и за албум на годината на најголемиот реге-портал во Европа “Reggaeville”. Сите три сингла од новиот албум “Wake Up”, “Go” и “Natty Lion” беа премиерно промовирани на најголемиот реге-портал во Европа “Reggaeville”. Моментално Conquering Lion работат на својот 5-ти по ред студиски албум. Првиот сингл од албумот “Shine” беше премиерно промовиран, исто така на порталот “Reggaeville” на 23 март 2018. Вториот сингл “Badman World” заедно со италијанскиот реге-артист Рафаел беше премиерно промовиран на порталот “Reggaeville” на 27 август 2018. Линкови: http://www.conquering-lion.org/ https://www.facebook.com/ConqueringLionMusic/ Како специјални гости на настанот ќе настапат реге-артистите Samity (Rice and Peas) и Kappa Irie (Zionlionz SS) од Бугарија. SAMITY – Бугарскиот даб/реге-продуцент и мулти-инструменталист Samity ни доаѓа од Софија. Активен е повеќе од една декада, тој е еден од главните сили, кои ја оформија реге и даб-сцената, а воедно и саунд систем културата во Бугарија. Во последните неколку години тој работеше на неколку различни проекти со различни артисти како Taiwan MC, Shanti D, Madu Messenger, Don Fe, Ras Tinny, Sen I, I-Jah Salomon, Kappa Irie и многу други. Во моментов работи на неговите нови изданија со бугарскиот издавач “Rice & Peas”, кои ќе бидат достапни на плоча и дигитално. Линкови: http://www.riceandpeas.org/ https://soundcloud.com/samity Kappa Irie - K-Irie aka Kappa Irie ни доаѓа од Софија, Бугарија и започнува со своето творење во реге-жанрот уште од 2003 година. Тој е посветен Растаман од Наптали одредот и е еден од основачите на првиот бугарски саунд систем и реге-промотерите наречени “Zionlionz Soundsystem”. Неговата љубов спрема Растафари движењето и реге-музиката расте сѐ повеќе и повеќе и се реализира преку неговиот активен подем и организација на концерти на повеќето познати реге-артисти како: Conquering Lion(Congo Natty), Macka B, Mad Professor, Percydread (Natural Ites), General Levy, Ras Demo, Ras Zacharri, Jah Mason, Dr. Ring Ding, Deadly Hunta, Solo Banton, YT, Mr. Williamz, Skarra Mucci, Longfingah ft. iLLBiLLY HiTEC, Ward 21, Agent Sasco, Apache Indian... Својата посветеност и вокална презентација на неговата визија, тој ја шири Растафари пораката за мир, љубов и еднаквост во светот. Моментално работи заедно со Samity на нивното ново издание Dub/Steppers EP кое ќе биде издадено наскоро од “Rice & Peas Records”. Линкови: https://soundcloud.com/kappa-k-irie https://www.facebook.com/kappakay/ Како домашна поддршка ќе настапат основачите на Funky Fresh, DJ Гоце и DJ Чваре. DJ GOCE (S.A.F.) – Македонскиот продуцент и диџеј Гоце го започнува својот опус во раните 90-ти кога се запознава со хип-хоп културата. Во '93 ја основаат култната рап-групација С.А.Ф. и го издаваат првиот рап-албум на Балканот “Сафизам” издаден на плоча во 2002 година. Со повеќе од 20 години искуство на хип-хоп сцената, диџеј Гоце има настсапувано заедно со некои од поголемите имиња како: DJ Sebb, DJ Maseo, DJ Dice, DJ Rondevu ,DJ Cheeba, DJ Format, Dj Angelo, Jon 1st, Kut L, Dj Phantom, Rob Manga, Boca 45, Terrence Parker, Dj Ron Phlatline, DJ 279, The Blazin Brothers, Roots In Session, DJ Dirty Hairy, Diamond D, Large Professor, Mobb Deep, Ghostface, Phryme, Das Efx ,Jeru the Damaja, The Beatnuts, Nicole Willis & The Soul Investigators… Во 2015 имаше чест да настапува заедно со култните Gangstarr Foundation на еден од најголемите хип-хоп фестивали во Европа, Hip-Hop Camp во Чешка. Во 2016 беше дел од Европската турнеја на Gangstarr Foundation како нивни диџеј. Во 2017 го продуцираше четвртиот студиски албум на Conquering Lion, кој беше номиниран за најдобар реге албум за 2017 на Греми наградите. Линкови: https://djgoce.com/ http://www.funkyfresh.es/ DJ Chvare - Роден е во Скопје,Македонија во 1983 Година. Диџеј Чваре растел слушајќи хип-хоп, фанк, соул, џез и реге-музика. Инспириран од стариот звук на хип-хоп тој својот почеток го започнува со пуштање музика во локалните барови во Скопје кога имал 17 години, и оттогаш се покажал како еден од најистакнатите диџеи во Македонија. Настапувал многу години пуштајќи музика во повеќето локални ноќни клубови, заедно со големи артисти од локалната сцена. Диџеј Чваре посветил многу време да го развие неговиот звук во различни стилови и жанрови, но со најголем фокус на хип-хоп,фанк и џез. Настрана од неговите редовни настапи во Македонија, тој има настапувано на скоро цел Балкан, Шпанија, Холандија, Република Чешка, Тајланд, Кипар и многу други... Од најзначајните настапи на кои настапуваше заедно со многу влијателни имиња можеме да ги издвоиме следниве настапи: SAF (MK), DJ Angelo (UK), Jon1st (UK), DJ 279 (UK), DJ CLK (UK) ,Propo '88 (NL), DJ Faze (France), DJ Rob Manga (NL), DJ Oli Doboli (Croatia), Coolio (USA), Bad Copy (Serbia), Elemental (Croatia), DJ Switch (UK),The Beatnuts (USA), Jeru the Damaja (USA), Afu Ra (USA), Guru (USA), Big Shug (USA), Gang Starr Foundation (USA), Diamond D (USA), Large Professor (USA), Lord Finesse (USA), 50 CENT (USA), Dirty Hairy (UK), DJ Iron (Serbia), DJ Skill (BG), DJ Woo-D (Tetkine Radosti/SLO), DJ Magos (Cyprus). Линкови: https://www.facebook.com/djchvare/ http://www.funkyfresh.es/ Влезниците се по цена од 300 денари во претпродажба и 400 денари на влез САМО на Билетарница на МКЦ и online преку bileti.mkc.mk Почеток на настанот е во 21:00 часот. Се гледаме на 13 април, МКЦ - Скопје! One Love! One Aim! One Heart! Jah Ras Tafar I

ТОМ ОДЕЛ

January 25, 2019, 3:19 am

≫ Next: НАШИОТ ПАТ од авторите GP и STEFFONATOR

≪ Previous: 12 години Conquering Lion

$

0

0

Музичката сензација на новата генерација, вонсериски талентираниот и наградуван британски кантавтор Том Одел, кој во моментов е на светска турнеја на која го промовира својот трет студиски албум „Jubilee road“, ќе го видиме за прв пат во живо и во Скопје, на 13 февруари во МКЦ. Том Одел вниманието на јавноста го сврте уште со неговиот прв албум „Long Way Down“ во 2013 година. Лили Ален го спореди со Дејвид Боуви, додека Тејлор Свифт изјави дека е негов голем фан. Следната, 2014 година Том Одел добива и награди за авторско достигнување, меѓу кои и BRIT, Critic Choice, но сепак најголемата награда за неговата работа стигнува од публиката - повеќе од успешни настапи на некои од најголемите светски фестивали: Glastonbury, Coachella, T In The Park, Sziget, Exit, како и распродадени шоуа низ светот, што се потврда дека и со сите негови песни успева да допре до публиката и дека е на вистинскиот пат да стане голема музичка ѕвезда! Промоцијата на третиот албум „Jubilee road“, кој излезе во октомври минатата година, ја почна со објавување на синглот „If you wanna love somebody“, а потоа следеше и видеозапис за истиот, а на одлична реакција наиде и песната „Half as good as you“, која ја сними со својата долгогодишна пријателка и соработничка, популарната Алис Мертон. Неодамна објави и уште еден видеоспот, со кој публиката ја запозна со новиот албум „Jubilee road“. Станува збор за песната „You are gonna break my heart tonight“. По распродадените концерти во Северна Америка и Канада, Том Одел се врати во Европа, каде што прва станица му беше Глазгов, а потоа следеа два распродадени концерти во Белфаст и Даблин. Во почетокот на ноември минатата година, по вкупно 12 концерти во Англија, турнејата се пресели во Германија и во останатите земји низ Европа, како Франција, Полска, Чешка, Белгија, Литванија, Латвија, Финска, Русија, Украина, Словенија, Хрватска, Србија, Унгарија, Бугарија, Романија, Македонија и Турција. *Билетите за скопскиот концерт на Том Одел може да се набават исклучиво преку продажната мрежа на Авалон низ Македонија и онлајн на www.avalon.mk. 

---

НАШИОТ ПАТ од авторите GP и STEFFONATOR

January 25, 2019, 6:03 am

≫ Next: 25 години СУПЕРХИКС

≪ Previous: ТОМ ОДЕЛ

$

0

0

Книгата НАШИОТ ПАТ од авторите GP и STEFFONATOR во издание на Просветно дело е резултат на осуммесечна работа и пишување на нашите најпопуларни јутјубери, а сега и автори, во Македонија. Ексклузивно, на 26.01.2019, во МКЦ, со почеток од 12 часот, нивните следбеници ќе имаат можност да го држат во рацете својот примерок и да го добијат нивниот автограм на најголемиот МИТАП досега!!! Книгата крие голем број тајни за овие две ѕвезди, допира до нивните срца, мисли и желби... A ќе го покаже и вистинскиот пат за и читателите да станат јутјубери...  

25 години СУПЕРХИКС

January 28, 2019, 1:47 am

≫ Next: SUUNS во МКЦ

≪ Previous: НАШИОТ ПАТ од авторите GP и STEFFONATOR

$

0

0

Суперхикс слават 25 години од првиот настап во некогашен Доорс Дебармаалски! Токму на истиот ден (3 март 1994 - 3 март 2019)! Цели 14 години по легендарниот концерт, повторно во МКЦ Скопје. Недела, 3 март, 21часот! Најголемите хитови, полна бина гости, специјален амбиент и двочасовно лудило за првата '25-ка'!! Ветуваме деќа ќе продолжиме и по 27мата! Очекувајте нов сингл деновиве! Да живеат СУПЕРХИКС - БАНДА ИНСТРУМЕНТАЛЕ!! Билети во претпродажба од понеделник (28.1) по цена од 300 денари САМО на Билетарница МКЦ или online преку bileti.mkc.mk. Бројот на билети е строго ограничен!!! Набавете си билет на време. Се гледаме во МКЦ

SUUNS во МКЦ

January 28, 2019, 6:12 am

≫ Next: „Лифт“ –доделување на стрип-награда

≪ Previous: 25 години СУПЕРХИКС

$

0

0

Концерт на еден од највозбудливите бендови во живо! Бенд што постојано бара нови граници за кршење. Резутат од новиот албум - 'бенд што звучи како уметност од Bauhaus; прецизни и игриво тоталитарни, шарени и фрустрирани' http://www.suuns.net/ 9.2/10 - The groups artful combination of beauty and ugliness, familiarity and not-always-pleasant surprises has reached a new peak with Felt’ - Variety 8/10 - Felt’s abundance of different textures and its carefully composed atmosphere of unease ensure this is more than another recombination of Krautrock and Warp Record ________________________________ Датумот е 11.4.2019 (четврток) билети: 300 денари (претпродажба) Само на Билетарница на МКЦ или online преку bileti.mkc.mk

„Лифт“ –доделување на стрип-награда

January 31, 2019, 4:43 am

≫ Next: Концерт на Keira Is You и Emmа

≪ Previous: SUUNS во МКЦ

$

0

0

Доделувањето на првата стрип-награда „Лифт“ ќе се случи на 1 февруари 2019 години во 20 часот во МКЦ. Ќе биде организирана и изложба на пристигнатите дела, а најдобрите десетина стрипа ќе бидат и испечатени во посебна публикација. Целта на наградата е да ги промовира и афирмира овдешните стрип-автор(к)и, но и да го унапредува стрипот како (кај нас запоставен) медиум. Втора важна цел е да придонесеме за развојот на македонската културна сцена и во поширока смисла, промовирајќи нови креативни актери, нови културни настани, поинакви пристапи и стилови на полето на културата - со што сакаме да придонесеме за плурализацијата и шаренилото на овдешниот недоволно развиен културен простор. Жирито на наградата „Лифт“ го сочинуваат: Никола Гелевски, Јана Јакимовска, Ласко Џуровски и Владимир Битољану. На изложбата и во публикацијата ќе ги претставиме деветте најдобро оценети стрипови од вкупно пристигнатите триесетина. Станува збор за стриповите на: Никола Панов, Стефан Николовски, Оливер Цветковски, Лазар Ангелов, Виктор Гаврилoски и Магдалена Мирческа, Јована Велинова, Кристина Неделковска, Марија Николаевска и Владимир Трајановски. За конкурсот и за наградените ќе зборува Никола Гелевски, член на жирито и уредник на Темплум. Другите членови на жирито се Јана Јакимовска, Ласко Џуроски и Владимир Битољану. Наградите за тројцата најдобри и благодарниците за сите учесници ги изработи, во дрво, уметницата Калина Игновска. Наградите имаат и свој паричен дел. Донатор на првото доделување на наградата „Лифт“ е Град Скопје.

Концерт на Keira Is You и Emmа

February 1, 2019, 3:01 am

≫ Next: „Медена земја“ освои три награди на „Санденс“

≪ Previous: „Лифт“ –доделување на стрип-награда

$

0

0

Post valentine's special Keira Is You и Eма // Emma во МКЦ 15 февруари (петок) | влез: слободен Keira Is You - пост-рок од Полска. *Kraut version of Hanoi Rocks* https://keiraisyou.bandcamp.com/ Ема as in Eма Голдман. Емо, пост-хардкор и независност од Битола-Велес-Скопје. Ема се: Edno Dette - вокал Tejka Vasiljevic - тапани Mihail Dimitrov - бас Бојан Станиќ - гитара ______________________ Концертот е во соработка со Alarma Punk Jazz Fest